मराठी सोपे निबंध
विषय - बैलपोळा (बेंदूर)
➖➖➖➖➖➖➖➖➖➖
निबंध -1
बैलपोळा (बेंदूर) (सोपा निबंध )
बैलपोळा हा शेतकऱ्यांचा खास सण आहे. या दिवशी शेतकरी आपले बैल सजवतात. बैलांना आंघोळ घालतात, शिंगांना रंग लावतात आणि त्यांना गोंडे, झुल आणि हार घालतात.
बैलांचे शेतात खूप काम असते. ते न थकता शेतकरीबरोबर काम करतात. म्हणून बैलपोळ्याच्या दिवशी त्यांचे आभार मानले जातात.
या दिवशी बैलांची पूजा केली जाते. बैलांना गोड खाऊ घातले जाते. काही गावात बैलांची मिरवणूकही होते.
बैलपोळा हा प्रेम, कृतज्ञता आणि स्नेहाचा सण आहे. आपल्याला प्राण्यांवर प्रेम करायला शिकवणारा हा सुंदर सण आहे.
➖➖➖➖➖➖➖➖➖➖➖➖➖➖➖
निबंध -2
बैलपोळा (बेंदूर)
बैलपोळा, ज्याला काही ठिकाणी 'बेंदूर' म्हणूनही ओळखले जनही ओळखले जाते, हा शेतकऱ्यांचा एक प्रमुख सण आहे.शेतीत वर्षभर अथक कष्ट करणाऱ्या बैलांविषयी कृतज्ञता व्यक्त करणे,हा या सणाचा मुख्य उद्देश आहे.
या दिवशी शेतकरी बैलांना स्वच्छ धुऊन, त्यांना आकर्षकपणे सजवतात. शिंगांना रंग लावून, गळ्यात घुंगरू आणि अंगावर रंगीबेरंगी झुली घालतात. बैलांना पुरणपोळीसारख्या गोड पदार्थांचा नैवेद्य दिला जातो आणि त्यांना कोणतीही कामे दिली जात नाहीत.
गावांमध्ये ढोल-ताशांच्या गजरात बैलांची मिरवणूक काढली जाते. संध्याकाळी घरातील स्त्रिया बैलांची पारंपरिक पद्धतीने पूजा करून त्यांना ओवाळतात. बैलपोळा (बेंदूर) हा सण शेतकऱ्यांच्या बैलांविषयी असलेल्या आदराचे, प्रेमाचे आणि निसर्गाशी असलेल्या त्यांच्या घट्ट नात्याचे प्रतीक आहे.
➖➖➖➖➖➖➖➖➖➖➖➖➖➖➖
निबंध -3
बैलपोळा (बेंदूर)
आपल्या महाराष्ट्रात सण-उत्सवांना खूप महत्त्व आहे. या सणांमध्ये "बैलपोळा" किंवा "बेंदूर" हा एक खास शेतकऱ्यांचा सण आहे. हा सण श्रावण महिन्याच्या अमावस्येला साजरा केला जातो. या दिवशी शेतकरी आपल्या बैलांप्रती कृतज्ञता व्यक्त करतो.
बैलांचे महत्त्व :
बैल हा शेतकऱ्याचा खरा सोबती असतो. तो राबराब राबून शेतात काम करतो. पेरणीपासून ते कापणीपर्यंत शेतकऱ्याचे सर्व काम तो न थकता करतो. म्हणूनच वर्षातून एकदा शेतकरी आपल्या बैलांना मान देतो, त्यांची पूजा करतो, सजवतो व त्यांचा सण साजरा करतो.
सणाची तयारी व साजरा करण्याची पद्धत :
बैलपोळ्याच्या आधीच बैलांना आंघोळ घालतात, त्यांना तेल लावतात. नंतर रंगीबेरंगी झुल, गोंडे, घंटा, पोतं, शिंगांना रंग, हार घालून त्यांना सजवले जाते. शेतकरीसुद्धा नवे कपडे घालून सजतात. घरात सणाचे खास जेवण बनते. बैलांना पुजून त्यांना गोडधोड खाऊ घातले जाते. गावात बैलांची मिरवणूक काढली जाते. काही ठिकाणी बैलशर्यतीही घेतल्या जातात.
समारोप -:
बैलपोळा हा शेतकरी आणि त्यांच्या पशूंमधील प्रेमाचे प्रतीक आहे. या सणामुळे माणूस व प्राणी यांच्यातील संबंध अधिक दृढ होतात. हा सण आपल्याला कृतज्ञता व्यक्त करण्याचे महत्त्व शिकवतो.
➖➖➖➖➖➖➖➖➖➖➖➖➖➖➖
निबंध - 4
बैलपोळा (बेंदूर) -
बैलपोळा, ज्याला काही ठिकाणी 'बेंदूर' असेही म्हणतात.हा शेतकरी बांधवांचा एक खूप महत्त्वाचा सण आहे.हा सण सहसा श्रावण महिन्याच्या अमावास्येला येतो.शेतकरी मोठ्या उत्साहात हा दिवस साजरा करतात.
बेंदूर हा सण महाराष्ट्र आणि कर्नाटक या दोन्ही राज्यांमध्ये साजरा केला जातो,परंतु त्यांच्या तारखांमध्ये फरक असतो.कर्नाटकमध्ये ज्येष्ठ महिन्यातील मूळ नक्षत्रावर (बहुधा वटपौर्णिमेच्या दुसऱ्या दिवशी) तर महाराष्ट्रामध्ये श्रावण महिन्यातील पिठोरी अमावास्येला हा सण साजरा केला जातो.
आपल्याला माहिती आहे की,बैल हे शेतकऱ्यांचे खूप महत्त्वाचे मित्र आहेत.शेतीची सगळी कामे बैलांच्या मदतीनेच होतात.शेतात नांगरणी करणे,पेरणी करणे,धान्य बाजारात नेणे किंवा शेतातील इतर ओझी वाहून नेणे - या सर्व कामांमध्ये बैल खूप कष्ट करतात.त्यांचे हे कष्ट आणि त्यांनी आपल्याला दिलेली मदत लक्षात घेऊन,त्यांचे आभार मानण्यासाठी हा 'बैलपोळा' किंवा 'बेंदूर' सण साजरा केला जातो.
या दिवशी शेतकरी आपल्या बैलांना सकाळी लवकर उठून नदीवर किंवा विहिरीवर घेऊन जातात आणि त्यांना स्वच्छ धुतात. आंघोळ झाल्यावर त्यांना सुंदर आणि रंगीत कपड्यांनी सजवतात. त्यांच्या शिंगांना वेगवेगळ्या रंगांनी रंगवले जाते आणि त्यावर पितळी किंवा चांदीचे 'बाशिंग' (एक प्रकारचे दागिने) बांधतात. बैलांच्या गळ्यात घुंगरांच्या माळा आणि पायात पितळी वा चांदीचे तोडे घातले जातात. काही ठिकाणी बैलांना आकर्षक झुली (कपड्याचे आच्छादन) देखील घालतात.
सकाळपासूनच बैलांना खूप लाड केले जातात. त्यांना आजच्या दिवशी कोणतीही शेतीची कामे दिली जात नाहीत. त्यांना पुरणपोळी, गूळ-शेंगदाणा किंवा इतर गोड पदार्थांचा नैवेद्य दिला जातो. घरातील स्त्रिया बैलांची हळद-कुंकू लावून पूजा करतात आणि त्यांना ओवाळतात.
दुपारी किंवा संध्याकाळी गावातून बैलांची मोठी मिरवणूक काढली जाते. ढोल-ताशांचा गजर असतो, लेझीम खेळले जाते आणि लोक गाणी गात बैलांसोबत चालतात. ही मिरवणूक पाहण्यासाठी गावातील लहान मुले आणि मोठे सर्वजण उत्साहाने येतात. मिरवणूक पूर्ण झाल्यावर बैल आपल्या घरी परत येतात.
बैलपोळा किंवा बेंदूर हा सण बैलांबद्दलची कृतज्ञता आणि प्रेम व्यक्त करणारा एक सुंदर दिवस आहे. हा सण शेतकऱ्यांच्या जीवनातील बैलांचे महत्त्व आणि निसर्गाशी असलेले त्यांचे नाते अधोरेखित करतो.
इतर मराठी निबंध - येथे पहा..
100 हून अधिक समूहदर्शक शब्द व येथे पहा.
टिप्पणी पोस्ट करा